《东周刊》早前爆出卢瀚霆（AL）主演的《金秘书为何那样》虽然比吕爵安（Edan）孭飞的《悠长假期》，较早开拍，但《悠》将会抢闸播出，Edan指知道剧集将会在12月播，不过他表示现在仍未拍完，但透露因为拍的时候合约已倾好一定要在今年内播，所以现在正赶工中，而有份拍摄的江𤒹生（AK）就表示自己已拍到尾声中，Edan指虽然好赶，但就不辛苦。
卢瀚霆认与 Ivy So拍到不尴尬至于剧集被抢闸播出，AL就表示戥Edan他们辛苦，自己也想像到拍摄进度一定很赶，后期製作也会很赶急，对于他在《金》中与COLLAR的苏雅琳（Ivy So）有好多咀戏，他表示多过《社内相亲》，提到咀戏好激，与Ivy So更打足二十秒茄轮，AL说：「大家对打茄轮嘅定义唔係好一样，我觉得嗰啲唔叫打茄轮，都有激吻嘅场口，但未去到有伸脷，但大家都专业完成，同埋大家都沟通好多，所以好快唔尴尬，同埋好忙，尤其是激吻啲戏，好多镜头，好多时一个take可能有四部机一齐拍，所以要就好多角度，就好多灯、机，唔係戏上嘅处理咁简单，所以今次真係学咗好多嘢。」
卢瀚霆开心与大前辈合作提到前TVB艺人郭子豪错手贴出他与Ivy So婚礼相，剧透结局彩蛋，他指不紧要，大家看原剧也知道结局，又笑说：「我自己冇所谓，但如果大家都觉得有所谓，咁郭子豪要交代下，甘草前辈！」对于相片中也爆出有童爱玲、林俊贤及吕颂贤参演，AL就坦言之前也差点剧透，但发现其他人没有贴相，自己也不贴，要等大前辈先贴，而郭子豪就做了这个角色，所以也要多谢对方：「我都好想快啲分享俾大家听，今次呢套有好多大前辈我冇合作过，但一直以来都好钦佩佢哋，今次都学到好多嘢，因为佢哋无论係做人上，定做戏上都教咗我好多嘢。」AL有透露今次与Ivy So也会有床戏，至于激烈程度？他就表示跟原剧差不多，大家期待一下。